Emocione, lot dhe krenari për veprat e mëdha të sekretarit të përgjithshëm të Federatës së Hendbollit të Kosovës, Izet Gjinovci, i cili ka ndërruar jetë me 5 gusht të këtij viti!
Bashkëshortja e të ndjerit Izet Gjinovci, znj. Valbona, emocionon me fjalët e saja pas triumfit të Kombëtares së Kosovës U18 (meshkujt) në Kampionatin Evropian - Divizioni B.
Znj. Valbona, me fjalë prekëse për Izin!
Ajo për gazetën kombëtare “Bota sot” tha se mu duk se e pashë Izin tim të gëzuar sikur të ishte gjallë.
Bashkëshortja e Izetit, falënderon trajnerët e kombëtares dhe Muhamet Arifin, zyrtarin e FHK-së.
Emocionet e mbrëmjes së sotme e bën znj. Valbona që po e sheh Izin duke buzëqeshur e duke kremtuar titullin e kampionit të Evropës në divizionin B.
“U emocionova që këtë sukses ia dedikuan Izit tim.
Në emrin tim e të familjes Gjinovci, shpreh mirënjohjen e falënderim për gjestin e kësaj kombëtareje me në krye trajnerët e tyre.
Një falënderim të veçantë për Muhamet Arifin.
U përmallova shumë, u emocionova se mu duk se e pashë Izin tim të gëzuar sikur ai të ishte gjallë. Izi ëndrrën tënde do të vazhdoj bashkë me armatën e madhe të sportistëve e hendbolldashësve të Kosovës. Ëndrra vazhdon”, thotë znj. Valbona.
