Në fundjavën e ardhshme zhvillohen ndeshjet e para të xhiros së dytë të Kupës Evropiane për hendbollistë.
Në këtë rreth garash paraqitet edhe kampioni i Kosovës, Rahoveci, dhe nënkampionia, Besa Famgas.
Rahoveci të shtunën e luan ndeshjen e parë në udhëtim ndaj skuadrës belge Sezones Achilles Bocholt. Ndeshja zhvillohet nga ora 20:15 në Bocholt të Belgjikës.
Ndeshja e kthimit është më 26 tetor në Rahovec.
Edhe Besa Famgas është mysafire në ndeshjen e parë. Të shtunën nga ora 17:00 në Lovosice të Çekisë përballet me skuadrën Mesto Lovosice. Ndeshja e kthimit është më 27 tetor në Pejë.
Ndërkohë shorti për raundin e tretë të Kupës Evropiane për hendbolliste tërhiqet të martën nga ora 16:00. Kundërshtarin e radhës do ta mësojë kampioni i Kosovës, Istogu.
Istogu në raundin e dytë eliminoi skuadrën greke, Pylaia.
