Besa Famgas e Pejës ka bërë një paraqitje solide në Çeki, por nuk doli me rezultat pozitiv, në ndeshjen e parë të rrethit të dytë të Kupës Evropiane në hendboll.
Skuadra çeke, HK FCC Mesto Lovosice, ka shënuar fitore me rezultat 38:28 (14:13) ndaj Besës.
Pejanët u munduan me të gjitha forcat por nuk ia dolën të shmangin humbjen me 10 gola.
Hendbollisti Pavel Choteborsky ishte më i dalluari të vendasit me gjithsej 12 gola.
Olsii Mulaj me 10 ishte më efikasi të pejanët por nuk i ndihmuan për rezultat pozitiv. Më efikasit të Besa janë edhe Jakub Cwieka e Vlladimir Stankoviq, secili shënoi nga 6 gola.
Besa Famgasin e pret punë jo e lehtë për ta përmbysur rezultatin në ndeshjen e kthimit që zhvillohet më 27 tetor në palestrën “Karagaçi” në Pejë.
