Kastrioti e ka fituar ndeshjen e parë të xhiros së gjashtë të Superligës së Kosovës në hendboll (meshkujt).
Të shtunën në Vushtrri, Kastrioti mposhti skuadrën vushtrriase me rezultat 38:35.
Pjesa e parë e ndeshjes ishte e barabartë. Ferizajasit në dy e tri gola u shkëputën vetëm pas minutës së 20-të.
Në minutën e 35-të Vushtrria barazoi në 21:21 e më pas edhe në 22:22.
Pasoi seri prej tri golave e Kastriotit për 25:22 dhe kjo seri doli të jetë vendimtare. Ekipi ferizajasi më pas mbajti epërsi prej tri, katër e pesë golash deri në fund.
Aloja Lulzim Shabani i shënoi 13 gola për Kastriotin.
Vlerson Zherka e Besnik Bytyqi i kishin nga pesë.
11 gola për Vushtrrinë i kishte Fitim Klinaku e pestë Egzon Ademi.
Kastrioti është i treti me tetë pikë. Vushtrria mbetet e katërta me katër pikë.
