Kosova ka sfidë shumë të vështirë me kombëtaren e Holandës, në ndeshjen që luhet sot në orën 17.15 në palestrën “1 Tetori” në Prishtinë.
Është ndeshja e xhiros së dytë e fazës së dytë kualifikuese në Kampionatin Evropian në hendboll.
Përballje që zgjon kureshtje nga tifozët, ndërsa Holanda është shumë e fortë dhe hiqet favorit i madh edhe nga bastet ndërkombëtare.
Selektori Bujar Qerimi do të orvatet me një lojë agresive në mbrojtje e me kundërsulme të shpartallojë rivalin.
Gjithçka është gati.
“Në palestrën ‘1 Tetori’ në përkrahje të Kosovës.
Të gjithë së bashku në kërkim të rezultatit pozitiv ndaj favorites së grupit”, shkruan në faqen e FHK-sl.
Duhet theksuar se kombëtarja e Kosovës ka pësuar humbje në takimin e parë në Torshavn me rezultat 32:21 nga Ishujt Faroe, ndërsa Holanda në Almere e mundi me 40:39 Ukrainën në kuadër të grupit 6.
