Vetëm pak momente më parë WHC Çair ka bërë edhe një postim në lidhje me ndeshjet e fundjavës ndaj skuadrës portugeze, Colegio de Gaia, ndërkohë që kërkohet mbështetja maksimale nga ana e tifozëve në këto dy përballje.
Madje vetë klubi deklaron se me mbështetjen e tifozërisë suksesi historik do të arrihet më lehtë.
"Vajzat tona po luajnë me pasion dhe me dashuri të madhe për fanellën e Çairit.
Me këtë përkushtim jemi shumë optimistë se ky cikël kualifikues i kupës evropiane do të jetë historik.
Tifozë të Çairit, momenti është tani! Ju presim të shtunën dhe dielën në ora 16:00h. Lojë vendimtare për synimin tonë të madh.
Ejani të tregojmë forcën tonë dhe të jemi bashkë për ekipin tonë – le të dëgjohet fuqia e tifozëve tanë! Së bashku drejt fitores.
Është koha jonë, Koha e Çairit", ka njoftuar Çairi/
