Visar Ganiu, kryetar i Komunës së Çairit, ka uruar klubet nga komuna për sukseset:
Skuadra e WHC Çair ka shkruar historinë në hendbollin e Maqedonisë së Veriut, duke mposhtur edhe në ndeshjen e dytë Colegio de Gaia, me rezultatin dramatik 28-26, në një sfidë spektakolare të zhvilluar në sallën sportive “Alkaloid” në Autkomondë të Shkupit.
Vajzat nga Çairi u kualifikuan në 1/8-ën e finales së kupës europiane.
"Vajzat dhe djemt sportiv të Çairit na bëjnë krenar me fitoret e tyre! Dy fitore të mëdha nga klubet sportive të Çairit, të cilat shkruajnë histori në hendboll dhe basketboll, duke treguar forcën dhe shpirtin luftarak të komunitetit tonë!
Vajzat e hendbollit të WHC Çair shënuan një sukses të jashtëzakonshëm, duke triumfuar ndaj ekipit portugez Colegio De Gaia me rezultat dramatik 28:26. Me këtë fitore, ato sigurojnë vendin në 1/8 e finales së Kupës së Europës, duke na bërë të gjithëve krenarë me arritjen e tyre historike. Ju lumtë, kampione të Çairit!
Edhe djemtë e basketbollit të KB Çair po tregojnë dominimin e tyre në Superligën e Maqedonisë. Në një ndeshje të fortë ndaj KK TFT, ata triumfuan me rezultat të ngushtë 92:94. Pas 7 xhirosh, KB Çair kryeson ligën, duke mposhtur edhe ekipet më të fuqishme, përfshirë kampionin e shumëfishtë KK MZT javën e kaluar.
Këto dy fitore të mëdha janë dëshmi e përkushtimit, talentit dhe shpirtit garues të sportistëve tanë. Çairi vazhdon të jetë qendra e suksesit sportiv në vend dhe në Europë.
Urime për këto arritje madhështore – krenaria jonë vetëm po rritet!", ka uruar Visar Ganiu.
