Presidenti i Federatës së Hendbollit të Kosovës, Eugen Saraçini, ka uruar Vitin e ri dhe me shpresë se viti 2025 do të jetë edhe më i mirë për komunitetin e hendbollit.
“Urimi i presidentit Saraçini: Edhe më shumë suksese në vitin 2025.
Familja jonë e hendbollit po e përmbyll një vit shumë të suksesshëm.
Jemi paraqitur me sukses në Kampionatin Botëror me vajzat e Kombëtares U18, kemi organizuar dy Kampionate Evropiane për të rinj, duke triumfuar në njërin prej tyre.
Me Kombëtaren A të hendbollistëve kemi avancuar sërish në fazën e kualifikimeve të rregullta për Kampionat Evropian, ku tashmë kemi një pikë të madhe nga ndeshja me Holandën.
Me hendbollistet e Kombëtares A kemi avancuar në fazën e fundit për kualifikim në Botëror, falë fitoreve ndaj Belgjikës dhe Bosnjë-Hercegovinës.
Kemi pasur sukses solid me klube në skenën evropiane e po ashtu garë interesante për titull të kampionit, Kupë dhe Superkupë të Kosovës. Kemi rritur angazhimin për punë me gjenerata të reja.
Gjitha këto dhe shumë arritje të tjera kanë bërë që të jemi sporti ekipor më i avancuar në Kosovë. Zhvillimi u arrit duke iu falënderuar përkushtimit të madh të shumë e shumë aktivistëve tanë.
Me optimizëm shikojmë para drejt sfidave të reja.
Në emër të Federatës së Hendbollit të Kosovës, ua uroj të gjithëve Vitin e Ri.
Shëndet e suksese të reja për të gjithë.
Gëzuar 2025”, ka uruar Eugen Saraçini.
