Të hënën ka nisur grumbullimi i ekipeve kombëtare Kosova U20 dhe U18 të Kosovës në hendboll.
Hendbollistët e dy kombëtareve tona në mbrëmje kanë zhvilluar një stërvitje të përbashkët, ndërsa prej të martës do të kenë stërvitje të ndara.
Atmosfera në fillim të grumbullimit është e mirë, ndërsa lojtarët dhe shtabet teknike janë të vetëdijshëm për pritjet e mëdha prej Kombëtareve të Kosovës në IHF Trophy për zonën evropiane.
IHF Trophy për zonën evropiane për hendbollistët deri në 20 vjet dhe ata deri në 18 vjet do të mbahet në Prishtinë prej 14 deri më 18 janar.
11 ekipe kombëtare do të jenë pjesë e kësaj ngjarjeve që është kualifikuese për Botërorët e grupmoshave përkatëse.
