Eugen Saraçini, ballëlart i drejtohet komunitetit të hendbollit të Kosovës.
Pas 12 viteve largohet nga pozita e kryetarit të Federatës së Hendbollit të Kosovës.
Largohet ballëlart dhe numëron edhe disa të arritura.
“Me përfundimin e suksesshëm të Kuvendit të punës dhe atë zgjedhor të FHK, përfundoi edhe angazhimi im në cilësinë e Kryetarit.
12 vitet e kaluara ishin të ngërthyera me pune intensive dhe arritje për hendbollin e Kosovës!
Në mesin e shumë punëve të kryera, pa dyshim që anëtarësimi i FHK në EHF dhe IHF ishin fitoret më të rëndësishme të hendbollit në rrugën e anëtarësimit të plotë në familjet europiane dhe botërore.
Ekipet e FHK që punuan mbi 2 dekada për këtë qëllim, arritën sukses dhe i dhanë edhe një vulë të rëndësishme zhvillimit ndërkombëtar të sporteve të Kosovës.
Kosova u bë qendër e rëndësishme për garat europiane dhe botërore. Zbarkuan dhjetra ekipe nga të gjitha kontinentet.
Me vajzat e djemtë tanë u përfaqësuam në dy Kampionate Botërore. Besoj se do të ketë edhe më shumë suksese në të ardhmen”, ka shkruar Saraçini në profilin e tij në facebook.
Kryetari i ri i FHK-së është Edi Kolgeci.
“Zgjedhja e Edi Kolgecit, kryetar i FHK, Xhavit Morinës nënkryetar si dhe anëtarëve të Bordit, do të jetë edhe një rrugëtim për arritjen e sukseseve dhe zhvillimit të hendbollit.
Suksese dhe Urime për FHK”, ka shkruar Saraçini.
