Federata e Hendbollit e Kosovës edhe në fundjavë e kishte përfaqësuesin e saj në kupat evropiane.
Delegati me thirrje të EHF-së, Eshref Beqiri, u kujdes për mbarëvajtjen e dy ndeshjeve mes AEK-ut të Athinës dhe skuadrës sllovene, Krka. Ndeshjet i takuan një të tetës së finales së Kupës Evropiane për hendbollistë.
Të dy ndeshjet u zhvilluan në Greqi.
Ndeshjen e parë e fitoi AEK-u me rezultat 38:28. Në ndeshjen e dytë skuadra athinase fitoi 31:25 dhe kështu avancoi në raundin tjetër.
Delegatët dhe gjyqtarët kosovarë me thirrje të EHF-së kanë prezantim të rregullt në garat kontinentale.
