Është mbajtur mbledhja e parë e Bordit të ri të Federatës së Hendbollit të Kosovës.
Mbledhjen e udhëhoqi presidenti Edin Kolgeci, ndërsa gjatë saj kishte diskutime konstruktive për çështje të ndryshme.
Është diskutuar dhe është vendosur për komisionet e FHK-së, ndërsa u diskutua edhe për stinorin pranveror dhe aktivitetet e ekipeve kombëtare.
Bordi është njoftuar për përgatitjet që po bëhen për fazën ndërkontinentale të IHF Trophy, që do të mbahet muajin e ardhshëm në Prishtinë, si dhe për ndeshjet e ekipeve kombëtare me Ukrainën (hendbollistët) e Suedinë (hendbollistet).
Është miratuar rregullorja e punës së Bordit, ndërsa u themelua Këshilli Organizativ për IHF Trophy. Pjesë e këtij këshilli, pos anëtarëve të Bordit, do të jenë edhe përfaqësues të institucioneve të përfshira në organizim.
U vendos që Kombëtaren U18, që synon kualifikimin në Botëror, ta udhëheqë Fatmir Muhaxheri.
Me propozim të selektorit Bujar Qerimi, pjesë e stafit të Kombëtares A deri në fund të ciklit aktual kualifikues do të jenë Tonçi Drushkoviq dhe Leonard Cula.
Në mbledhje u diskutua edhe për çështje tjera me rëndësi për hendbollin tonë.
Me propozim të kryetarit të Shoqatës së Trajnerëve, Faruk Shala, u diskutua rreth riorganizimit të garave të kategorive të reja, përkatësisht për përshtatjen e sistemeve të lojës me kërkesat e kohës.
