Vushtrria ka shënuar fitore të rëndësishme në kuadër të xhiros së 19-të të Superligës së Kosovës në hendboll në konkurrencë të meshkujve.
Të shtunën mbrëma Vushtrria fitoi ndaj Llapit me rezultat 41:34.
Vushtrriasit ishin vazhdimisht në epërsi dhe në fund fituan dy pikë të vlefshme.
Aloja Erkan Abazxhiku ishte më efikasi me 11 gola. Dhjetë i shtoi Egzon Ademi, shtatë Amir Fazliu e gjashtë Oltion Shabani.
Blerton Hasani i shënoi shtatë gola për llapjanët. Nga gjashtë i kishin Etnik Bajoku e Rifat Visoka, ndërsa pesë Durim Talla.
Me këtë fitore Vushtrria është stabilizuar në mesin e tabelës dhe ka bërë shkëputje të madhe me skuadrat e pjesës së poshtme. I ka 14 pikë në vendin e pestë. Llapi është i gjashti me nëntë pikë.
