Kastrioti i Ferizajt është përgatitur maksimalisht për ballafaqimin me Samadrexhën, në kuadër të ndeshjes së javës së 12-të të Superligës së Kosovës në hendboll (femrat).
Ky është derbi i skuadrave që synojnë katërshen e madhe.
Kastrioti synon fitore dhe ta lë prapa me pikë edhe më shumë Samadrexhjën.
Kryetrajnerja e Kastriotit Lirie Muhaxheri ka përgatitur ekipin në çdo aspekt dhe ka formulën që mund të mposhtin sërish Samadrexhën.
Duhet kujtuar se në vjeshtë Kastrioti i dha leksion Samadrexhës vendase duke e mundur me 44:40.
Ferizajaset janë të motivuara e të bindura se sërish mund ta kenë të njëjtin fat vashat e Samadrexhës.
Kastrioti aktualisht është në vend të katërt me 12 pikë e Samadrexha në të pestin me 10 sosh.
Shtatë herë kampioni i Kosovës ka qetësinë e Samadrexha presionin për faktin se kjo e fundit nuk është në objektivat e parapara në fillim të edicionit.
Ndeshja luhet nesër në orën 16.00 në palestrën e sportit “Bill Clinton” në Ferizaj.
