Samadrexha ka shënuar fitore të merituar me rezultat 44:28 ndaj Kastriotit, në ndeshjen e javës së 12-të të Superligës së Kosovës në hendboll.
Ndeshja u zhvillua në palestrën e sportit “Bill Clinton” në Ferizaj.
Kastrioti nuk e pati ditën e vet e këtë e shfrytëzoi Samadrexha.
Arlinda Maloku me 10 gola është më efikasja te Samadrexha, e ndihmuar nga Natalia Millatoviq me 9 sosh.
Në radhët e Kastriotit u shqua Nikelina Franca me 10 gola dhe Bintou Oulare me 8 sosh.
Kastrioti renditet në vend të pestë me 12 pikë sa ka edhe Samadrexha në të katërtin.
Në javën e ardhshme Kastrioti e pret Istogu e Samadrexha Prishtinën.
