Rahoveci e Kastrioti nuk kanë lejuar befasi në ndeshjet e xhiros së 21-të të Superligës së Kosovës në hendboll, të zhvilluara të shtunën mbrëma.
Rahoveci luajti në shtëpi, ndërsa fitoi ndaj Llapit me rezultat 43:22.
Rahoveci i ka 20 fitore rresht dhe udhëheq në tabelë me 40 pikë. Llapi është i gjashti me 9 pikë.
Adonit Isufi u shqua me efikasitet te rahovecasit, duke i shënuar nëntë gola. Tetë i kishte Egzon Vuqitërna.
Për llapjanët shtatë gola i shënoi Blerton Hasani e pesë Edi Lushaku.
Ndeshjen e rivalëve tradicionalë, Kastriotit e Trepçës e fitoi skuadra ferizajase me rezultat 44:29. Kastrioti është i treti me 30 pikë nga 20 ndeshje. Trepça mbetet me gjashtë pikë në vendin e fundit.
12 gola për Kastriotin i shënoi Lulzim Shabani, ndërsa shtatë i shtoi Festim Mustafa.
11 gola për mitrovicasit i shënoi Arbër Neziri. Gjashtë i kishte Ermir Smaka.
