Sipas një studimi, pirja e lëngjeve me stomakun bosh mund të rëndojë sistemin tretës dhe të prishë ekuilibrin e baktereve të dobishme të zorrëve.
Shumë zgjedhin ta nisin ditën e tyre me një gotë lëng portokalli të sapo shtrydhur, duke besuar se kjo u siguron dozën e nevojshme të vitaminës C dhe energjinë. Megjithatë, ky zakon nuk është aq i dobishëm sa duket, sipas ekspertëve, pasi pirja e lëngjeve me stomakun bosh nuk është alternativa më e mirë.
Sipas një studimi amerikan të publikuar në Cell Metabolism , pirja e lëngjeve me stomakun bosh mund të rëndojë sistemin tretës dhe të prishë ekuilibrin e baktereve të dobishme të zorrëve. Lëngjet përmbajnë sasi të mëdha fruktozë, një lloj sheqeri që arrin shpejt në zorrën e hollë kur konsumohet pas një periudhe agjërimi, si për shembull pas gjumit. Zorrët, megjithatë, nuk janë në gjendje të përpunojnë të gjithë këtë fruktozë, dhe një pjesë e saj kalon në zorrën e trashë, ku ndërvepron me bakteret e dobishme që nuk janë përshtatur për të zbërthyer sheqernat.
Megjithëse mëlçia luan një rol të rëndësishëm në përpunimin e sheqerit, studimi tregoi se zorra e hollë është vendi kryesor i metabolizmit të fruktozës. Përveç kësaj, përpunimi i tij është më efektiv kur konsumohet pas një vakti.
Në përmbledhje, konsumimi i lëngjeve të pasura me sheqer preferohet të bëhet me masë dhe gjithmonë pas një vakti, për të shmangur efektet negative në sistemin tretës.
