Sot në komunën e Podujevës janë duke u mbajtur zgjedhjet komunale për kryetar.
Procesi i votimit është duke shkuar në rregull në të gjitha pikat e vendvotimit.
Një nga pikat më të mëdha është edhe ajo në Llapashticë, tek Shkolla Fillore “Dituria”.
Atje mund të votojnë 1270 votues. Media që është në vendin e ngjarjes, ka qenë prezent në momentin kur një 71 vjeçare e ka kryer obligimin qytetar dhe ka votuar.
Zëdhënësi i Komisionit Qendror të Zgjedhjeve, Valmir Elezi ka njoftuar se janë hapur të gjitha qendrat e votimit në Komunën e Podujevës dhe atë të Mitrovicës Veriore.
“Sipas raportimeve të komisioneve të zgjedhjeve në këto dy komuna, njoftojmë se janë hapur me kohë të gjitha qendrat e votimit. Në komunën e Podujevës të drejtë votë kanë mbi 87 mijë qytetarë ndërsa në Mitrovicën Veriore mbi 23 mijë”, ka thënë Elezi.
