Ministria e Mbrojtjes e Republikës së Kosovës, ka shpallur konkurs për pranimin e rekrutëve të rinj – ushtarë aktivë në Forcën e Sigurisë së Kosovës.
Ministria e Mbrojtjes njofton se konkursi do të jetë i hapur prej datës 10 deri më 21 gusht 2020.
Formularët për aplikim mund të shkarkohen në ueb-faqen e Ministrisë së Mbrojtjes, ndërsa dokumentet duhet të dorëzohen personalisht në të gjitha kazermat e FSK-së, çdo ditë pune nga ora 09:00-15:00.
Tutje në njoftim thuhet se të drejtë aplikimi kanë të gjithë kandidatët nga mosha 18 – 23 vjet.
Për informata plotësuese; www.mod.rks-gov.net; në nr.tel: 038-555-584-2044 ose 038-555-584-2045.
