Ka vetëm nëntë ditë prej kur edhe zyrtarisht ka nisur stina e dimrit.
Bora e parë e cila ra ditë më parë, zuri të shkrihet shpejt!
Natyra është e zhveshur, pazakontë tash edhe prej borës. Festa e Vitit të Ri po festohet në temperatura pothuasje vjeshtore.
Mungesa e borës në këtë festë është e dallueshme, por kjo mund të jetë vetëm një prej të pazakontave të vitit 2020, që ishte përplot sfida për mbarë botën.
Ashtu siç edhe nisi ky vit, ashtu edhe po përfundon. Gjithçka mbyllur e në izolim. E tillë është e festa që po shënohet sonte, me thirrjet që të mos dilet përtej rrethit familjar.
