Reshjet e dendura të shiut kanë shkaktuar situatë emergjence në Drenas.
Ara e rrugë janë përmbytur nga uji, duke shkaktuar kështu dëme të konsiderueshme materiale.
Nga komuna kanë thënë se ekipet emergjente janë në terren që në orët e para të mëngjesit për t’i evituar problemet nga reshjet e shiut.
“Komuna e Drenasit, njofton të gjithë qytetarët se ekipet emergjente janë dal në teren që në orët e hershme të mëngjesit për t’i evituar problemet e shkaktuara nga reshjet e shiut”, thuhet në njoftimin e komunës së Drenasit.
“Kërkojmë nga ana e qytetarëve mirëkuptim dhe bashkëpunim për të tejkaluar këtë gjendje të krijuar nga reshjet e dendura të shiut. Ekipet emergjente janë në teren dhe duke u marr me të gjitha rastet që paraqiten nga ana e qytetarëve, por kërkojmë nga qytetarët të kenë durimin dhe mirëkuptimin, sepse ne të gjitha rastet do të këtë ndërhyrje nga ekipet emergjente për të evituar rastet”, kanë thënë tutje nga komuna.
