Qytetarë të shumtë të Kosovës e Shqipërisë e kanë zgjedhur Prevallën për ta kaluar këtë fundjavë.
Ata nuk i ka ndalur as pandemia që ta vizitojnë këtë vend dhe të kalojnë kohë me familjen e shoqërinë.
Shumica prej tyre, të shtunën, nuk respektonin rekomandimet e institucioneve.
Por, turistët nga Shqipëria, ndonëse thonë se vendi është shumë i bukur, kanë ankesa për infrastrukturën.
E banorët e Prevallës, të cilët kanë edhe biznese këtu, thonë se pandemia nuk ka ndikuar që të bjerë numri i vizitorëve në këtë sezon.
Qeveria e Kosovës nga 15 janari lejoi grumbullimet në vende publike deri në 50 persona dhe lejoi punën në qendra të skijimit.
