Kryetari i Këshilli Kombëtar të Shqiptarëve në Malin e Zi, Faik Nika, i ka dërguar një telegram kryeparlamentarit Glauk Konjufca me rastin e zgjedhjes në krye të Kuvendit të Kosovës.
Në telegramin e urimit, Nika shpreh bindjen e tij se shumica e re parlamentare do të angazhohet në shërbim të vendit dhe të tregojë kujdes të veçantë ndaj shqiptarëve në Mal të Zi dhe rajon.
“Shpresojmë shumë që në një të ardhme të afërt do të kemi bashkëpunim institucional ndërmjet Këshillit Kombëtar të Shqiptarëve në Malin e Zi dhe Kuvendit të Kosovës, për çështje në interes të shqiptarëve në të dy shtetet.
Urojmë që punët për zhvillimin e Republikës së Kosovës t’ju shkojnë sa më mirë dhe rezultatet të rikthejnë shpresën e qytetarëve për vendin e vet”, ka thënë Nika.
