Në qytetin e Kamenicës, ka nisur vaksinimi i personelit shëndetësor.
Këtë e bëri të ditur kryetari i Kamenicës, Qëndron Kastrati, duke uruar e shpresuar që sa më parë të sigurojmë doza tjera të vaksinës, sepse nevoja është e madhe.
Postimi në Facebook:
Nis vaksinimi i personelit shëndetësor në Kamenicë??⚕️?⚕️
Bashkë me drejtoreshën e Shëndetësisë Suna Zajmi-Krasniqi, sot vizituam Qendrën Kryesore të Mjekësisë Familjare, ku edhe nisi vaksinimi kundër virusit SARS-CoV-2.
Uroj e shpresoj që sa më parë të sigurojmë doza tjera të vaksinës, sepse nevoja është e madhe. Faleminderit ekipit të vaksinimit dhe gjithë stafit shëndetësor për punën e jashtëzakonshme që kanë bërë gjatë ballafaqimit me pandeminë.
Qofshi shëndosh!
