Kryetari i AAK-së, Ramush Haradinaj ka vizituar familjen Kiqina.
Ai për famijlen Kiqina ka ndarë mirënjohjen “Me besin në Zot, atdhe e shtet”, për kontributin jashtëzakonshëm në avancimin e çështjes kombëtare shqiptare.
Postimi në Facebook:
Në procesin e shtetformimit, disa familje u bën emblemë e përpjekjeve dhe sakrificës për liri.
Sot në Baicë të Drenasit, rikujtuam heroizmin shqiptar ndër breza. Familja Kiqina dha shembullin më të mirë të atdhedashurisë e patriotizmit, në të gjitha periudhat historike.
E mahnitshme se si tradita shqiptare e shërbimit ndaj Atdheut, është përcjellur brez pas brezi sikur në familjen e Miftar Kiqinës, babai i të cilit Bajrami ra Dëshmorë krahas Shaban Polluzhës, e gjyshi i tij Ukshini, dëshmor në Luftën e Kërçovës, ndërsa në Luftën Çlirimtare, ai dha katër djemtë e tij Dëshmorë.
Kam ndarë medaljen "ME BESIM NË ZOT, ATDHE E SHTET" për kontribut të jashtëzakonshëm në avancimin e çështjes kombëtare shqiptare, për prindër të dëshmorëve, që rritën, edukuan dhe i falën Atdheut, bijtë e tyre, që nderuan kombin shqiptar me trimëri e heroizëm; Miftar e Mihrije Kiqina, prindër të katër Dëshmorëve, Afrimit, Bajramit, Fatonit e Ramizit; Kumrije Kiqina, nëna e Milazim Kiqinës; Rrahmani e Hasibja, prindërit e Dëshmorit Rasim Kiqina.
Përpjekja dhe sakrifica e tillë, deri në vetmohim, ishin ato që siguruan qenien tonë në këto troje. Shqiptar ishim, si shqiptarë luftuam dhe shqiptarë do të mbesim përjetë.
