Green Art Center Prishtina ka organizuar ekspozitë provokuese me klubin e gjelbër të shkollës “Pjetër Bogdani”, për Ditën Botërore të Mjedisit, raporton Ekonomia Online.
Përfaqësuesi i kësaj organizate, Lorik Muçaj, tha se përmbyllin një ditë të gjatë ku të gjitha institucionet dhe nxënësit kanë realizuar aktivitete për mbrojtjen e mjedisit.
Ai ka bërë thirrje që cdo ditë të ruajmë dhe ta duam tokën.
“Kam kënaqësinë që jam me nxënësit e shkollës Pjetër Bogdani për të përçuar mesazh për mbrojtjen e mjedisit dhe të ruajnë sa më shumë mjedisin”.
“…ne si Green Art Center vazhdojmë të bëjmë thirrje që ta duam tokën dhe që çdo ditë ta konsiderojmë ditë të mjedisit”.
Gjatë ditës janë mbajtur një varg aksionesh në kuadër të kësaj dite.
