Kandidati i AAK-së për kryetar të Prishtinës, Daut Haradinaj ka thënë se ekipi dhe programi që ofron kjo parti për Kryeqytetin, e siguron suksesin në zgjedhjet e 17 tetorit të këtij viti.
Përmes një postimi në llogarinë e tij në Facebook, Haradinaj ka thënë se ai bashkë me ekipin e tij, kanë vullnet të madh për ta ndryshuar gjendjen ekzistuese në Prishtinë.
“Me ekipin që e kemi, programin dhe projektet kapitale, e mbi të gjitha me vullnetin e madh që e ka Prishtina për ta ndryshuar gjendjen ekzistuese, jemi të sigurtë në suksesin e 17 tetorit të këtij viti”, ka shkruar Haradinaj.
