Mbi vendin tonë sot do të mbajë mot me diell dhe vranësira të dendura, me mundësi rigash lokale shiu.
“Në fushat termike parashihen rënie të lehta, kryesisht në vlerat e temperaturave maksimaleve. Gjithashtu do të ketë rënie edhe në fushat barike. Kjo situatë e parashikuar meteorologjike do të krijoj kushte që gjatë ditës të ketë riga lokale shiu“, thuhet ndër të tjera në njoftimin e Institutit Hidrometeorologjik të Kosovës.
Temperaturat minimale do të lëvizin ndërmjet 17-18 gradë Celsius, ndërsa maksimalet e ditës parashihen të lëvizin ndërmjet 29-31 gradë Celsius.
Do të fryjë erë e lehtë deri mesatare nga drejtimet e ndryshme.
