Ish-kryetari i Skenderajt, Sami Lushtaku e ka prezantuar kandidatin e parë të Partisë Demokratike të Kosovës për anëtar të asamblesë komunale në Skenderaj.
Ai është Mentor Mehmeti, i cili sot mbushi 45 vjet.
“Në ditëlindjen e tij të 45-të, duke i dëshiruar shëndet e jetë të gjatë, sot e prezentoj Mentor Mehmetin edhe si kandidatin e parë të Partisë Demokratike të Kosovës për anëtar të asamblesë komunale në Skenderaj”, shkroi Lushtaku.
Ai tha se Mentori është një djalë shumë i zgjuar i një familje të jashtëzakonshme, që pavarësisht sfidave të jetës ai nuk dorëzohet asnjëherë.
“Mentori është vlerë e shtuar për ne”, shtoi ish-kryetari i Skenderajt.
Tutje Lushtaku i ka uruar atij shëndet, jetë të gjatë dhe suksese.
