Instituti Hidrometeorologjik i Kosovës ka bërë të ditur se gjatë javës do të mbajë mot jo stabil i përcjellë me riga shiu të intensitetit mesatar e vende –vende edhe të intensitetit të lartë.
Të hënën dhe të martën parashihet mot stabil dhe me intervale të gjata me diell.
Nga dita e mërkurë do të ketë ndryshim në parametrat meteorologjik, kështu që si pasojë e prezencës së masave të ajrit me presion të ulët do të ketë kushte të favorshme për krijimin e vranësirave të dendura, të cilat parashihen të sjellin reshje dhe rënie të temperaturave maksimale.
Minimalet do të lëvizin ndërmjet 2-9 gradë Celsius, ndërsa maksimalet e ditës parashihen të lëvizin ndërmjet 14-22 gradë Celsius. Do të fryjë erë kryesisht nga juglindja dhe verilindja me shpejtësi 1-8m/s.
Datat:
4.10 – Kryesisht me diell e ngrohtë. Në mëngjes, përgjatë luginave mundësi për mjegull ose mjegullinë.
5.10 – Ngrohtë e kryesisht me diell. Orëve të mëngjesit përgjatë ultësirave mundësi për mjegull/mjegullinë.
6.10 – Kryesisht me vransira, e kohëpaskohe me reshje lokale shiu, e në mbrëmje më të vazhdueshme.
7.10 – Freskët, kryesisht vranët dhe kohëpaskohe me reshje të dobëta shiu.
8.10 – Kryesisht me vransira, e herë herë priten edhe reshje lokale shiu.
Temperaturat minimale luhaten ndërmjet 7C e 10C, ndërsa maksimalet do të jenë mbi vlera mesatare deri ditën e martë me 24C, më pas zbresin deri në 13C ditën e premte.
Era do të fryjë nga jugu e juglindja 3-11m/s, prej ditës së premte edhe nga verilindja.
Shtypja atmosferike mbetet në vlera të larta, megjithë një tendencë të rënies përgjatë pjesë së dytë të javës.
