Kryetari i PDK-së, Memli Krasniqi, sot ishte në Shtime në mbështetje të kryetarti Naim Ismajli.
"Çdo e arritur në qytetin e Shtimes i atribuohet Partisë Demokratike të Kosovës dhe kryetarit Naim Ismajli. Prandaj, qytetarët e Shtimes do ta mbështesin atë edhe tash, për të vazhduar zhvillimin e komunës së tyre me punë të mira dhe projekte zhvillimore", ka shkruar ai në Facebook.
Postimi në Facebook:
Pritje e ngrohtë si përherë në Shtime, ku me kryetarin Naim Ismajli takuam strukturat dhe aktivistët e PDK-së, të cilët janë mobilizuar për fitore në garën e 14 nëntorit.
Shtimja në qeverisjen e Naim Ismajlit është shndërruar në komunë të zhvillimit ekonomik, sepse ai ka krijuar perspektivë për rininë, ka investuar në ndërmarrësi, arsim, sport dhe kulturë, ka rregulluar infrastrukturën e ka modernizuar administratën. Por, më e rëndësishmja është se tërë këtë periudhë të gjatë kryetari Ismajli ka qeverisur mirë, ndershëm dhe në mënyrë transparente për të gjithë qytetarët, pa dallim.
Çdo e arritur në qytetin e Shtimes i atribuohet Partisë Demokratike të Kosovës dhe kryetarit Naim Ismajli. Prandaj, qytetarët e Shtimes do ta mbështesin atë edhe tash, për të vazhduar zhvillimin e komunës së tyre me punë të mira dhe projekte zhvillimore.
