Ngjarjet e planifikuara për ditën e sotme, 8 nëntor 2021:
Komisioni Ad hoc për përzgjedhjen e kandidatëve për anëtarë të Bordit të RTK-së diskuton lidhur me caktimin e datave për intervistimin e kandidatëve për anëtarë të Bordit të RTK-së. (Kuvendi i Kosovës, salla N-204, ora 09:00)
Vazhdon procesi gjyqësor ndaj Hysni Gucatit e Nasim Haradinajt. (Hagë, 09:30- 16:00)
FSSHK organizon protestë para Qeverisë së Kosovës. (Ora 10:00)
Nënshkruhet marrëveshja e bashkëpunimit ndërmjet Universitetit të Prishtinës “Hasan Prishtina” dhe Ministrisë së Drejtësisë. (Rektorati i UP-së, ora 10:00)
Kryetari i Komunës së Deçanit Bashkim Ramosaj, pret në takim komandantin e Komandës Regjionale Perëndim (RCW), kolonel Andrea Bertazzo. (Salla e Asamblesë Komunale Deçan, ora 10:30)
Kryesia e Kuvendit mban mbledhjen e radhës. (Kuvendi i Kosovës, salla C-301, ora 11:00)
Kryetari i Odës Ekonomike të Kosovës, Berat Rukiqi dhe kryetari i Odës së Hotelerisë dhe Turizmit të Kosovës Hysen Sogojeva do të nënshkruajnë marrëveshje bashkëpunimi. (Oda Ekonomike e Kosovës, ora 11:00)
Lidhja Demokratike e Kosovës mban konferencë për medie. (Shtabi për Prishtinë, ish-ndërtesa e Ombuspersonit, hyrja nga restorant “Simphony”, ora 13:00)
Promovohet libri “Rrënjë” i autores Ulpiana Maloku, përmes leximit skenik me regji të Kushtrim Mehmetit. (Qendra “Libart”, objekti i bibliotekës “Hivzi Sulejmani” në lagjen “Dardania”, ora 18:00)
