Nën drejtimin e anëtarit më të moshuar të Kuvendit të Drenasit, Gani Krasniqi, në prani të kryetarit të komunës, Ramiz Lladrovci, Milaim Hajdari është zgjedhur kryesues i KK-së së Drenasit.
Hajdari nga Partia Demokratike e Kosovës mori mandatin katërvjeçar me 19 vota për.
Pas zgjedhjes së tij me shumicë votash, Hajdari ka falënderuar kryetarin Lladrovci për besimin e dhënë dhe përkrahjen e asamblistëve për të udhëhequr kuvendin komunal.
Në seancë morën pjesë 31 anëtarë dhe komisioni për mbikëqyrjen e procesit të votimit u përkujdes që për detyrë ka të shohë nëse procesi i votimit të jetë konform legjislacionit në fuqi.
