Kryetari i Prishtinës, Përparim Rama ka thënë se pjesë e rritjes së hovshme të trendit të digjitalizimit është bërë edhe sektori i shëndetësisë.
Rama ka njoftuar se me doktorët Neshad Asllani dhe Dardan Asllani kanë biseduar rreth një platformë digjitale për kujdesin shëndetësor.
“Pjesë e rritjes së hovshme të trendit të digjitalizimit është bërë edhe sektori i shëndetësisë. Dr. Neshad Asllani dhe Dr. Dardan Asllani na prezantuan Klinikën Digjitale, një platformë digjitale e kujdesit shëndetësor me potencial të madh për ta përmirësuar performancën e shërbimeve shëndetësore”.
“Së bashku diskutuam për mundësitë që këtë platformë ta inkorporojmë në Qendrat Mjekësore Familjare të Prishtinës”, ka shkruar ai në Facebook.
