Kryetari i Komunës së Deçanit, Bashkim Ramosaj ka deklaruar se tash e dy vite nuk ka pasur komunikim me nivelin qendror.
Ramosaj tregoi se cilat Ministritë me të cilat kanë pasur komunikim.
“Ajo që theksu bashkëpunimin e nivelit lokal me nivelin qendror ka qenë mungesa e komunikimit. Për dy vite nuk kemi pasur komunikim. Jemi munduar të dëshmojmë këtë moskomunikim. Një komunikim që kam mundur të kem ka qenë Ministria e Pushtetit Lokal, kohë pas kohe kemi pasur komunikim. Dhe kam pasur komunikim me një prej zëvendësministrave të Infrastrukturës dhe me Ministrinë e Zhvillimit Rajonal. Me ministrat tjerë jemi në të njëjtin nivel, në të njëjtin standard për sa i përket punëve institucionale”, ka thënë ai.
Sipas tij, Deçani nuk ka fare mbështetje financiare nga Qeveria e Kosovës.
“Ajo që diskriminuese, është viti i dytë në Komunën e Deçanit që kemi zero buxhet. Zero mbështetje financiare për shkak të një logjike që nuk është logjike”, përfundoi Ramosaj.
