Instituti Hidrometeorologjik i Kosovës parashikon mot me diell dhe rritje të lehta të temperaturave, si atyre minimale , ashtu dhe ato maksimalet për ditën e sotme (e mërkurë).
Në orët e para të ditës në shumë zona parashihet të formohet mjegulla e radiacionit, por do të jetë e paqëndrueshme, pasi gjatë ditës do të jenë prezent rrezet e diellit.
Mjegull parashihet të ketë pothuaj çdo ditë në orët e para të ditës.
Temperaturat minimale do të lëvizin ndërmjet 11-14 gradë celsius ndërsa maksimalet e ditës parashihen të lëvizin ndërmjet 27-31 gradë celsius.
Do të fryjë erë kryesisht nga verilindja e lehtë deri mesatare.
Instituti apelon për kujdes që në orët e pikut nga ora 11:00 deri në 17:00 të mos jemi në kontakt direkt me rrezet e diellit, sidomos moshat e shtyra dhe personat që kanë probleme me sëmundje kronike, si tension, frymëmarrje, sëmundje kardiologjike etj..
