Pasditen e së hënës kanë filluar të bien temperaturat, ku në disa vende ka pasur edhe stuhi e reshje shiu.
Madje në Komunën e Lipjanit pati edhe dëme të konsiderueshme.
Në fshatin Babush i Muhaxherëve, të kësaj komune si pasojë e erërave të forta është dëmtuar kulmi i shkollës “Ernest Koliqi”.
Ndryshe, Instituti Hidrometeorologjik i Kosovës ka njoftuar se gjatë pesë ditëve të kësaj jave do të mbaj mot me diell dhe relativisht i freskët.
Por sipas IHMK gjatë së martës vranësirat do të sjellin reshje shiu dhe shkarkime rrufesh.
Derisa në bazë të informacionit të Institutit të Gjeoshkencës, gjatë 24 orëve që vijnë do të ketë reshje shiu në të gjithë Shqipërinë.
Kështu, sipas njoftimit, në qarqet Shkodër, Lezhë, Tiranë, Fier dhe Vlorë mund të ketë vërshime të shpejta të lumenjve të vegjël malore dhe rrëshqitje të dherave.
