“Trafiku Urban” është shprehur i tronditur me aksidentin që ndodhi dje në Keqekollë të Prishtinës, ku mbeti një i vdekur e 14 të lënduar në të cilin ishte i përfshirë një nga autobusët publikë të Prishtinës.
Autobusi i “Trafikut Urban” është përplasur me një veturë dje ku mbeti i vdekur shoferi i veturës, ndërsa udhëtarët e lënduar janë liruar nga QKUK-ja të enjten në mbrëmje.
“Jemi thellësisht të tronditur nga ngjarja tragjike e ndodhur mbrëmë në Keqekollë, ku nga aksidenti mes një veture dhe autobusi të Trafikut Urban, humbi jetën shoferi i veturës, dhe u lënduan 14 udhëtarë.
Gjendja e të lënduarve është stabile dhe mbrëmë janë liruar nga QKUK-ja. Ndërmarrja shpreh ngushëllimet më të thella familjarëve të viktimës për humbjen e më të dashurit të tyre dhe uron shërim të shpejtë për të lënduarit!”, thuhet në reagimin e “Trafikut Urban” në Facebook.
