Kryetari i Komunës së Vushtrrisë, Ferit Idrizi, e ka vizituar sot stacionin policor në Vushtrri.
Këtë vizitë, Idrizi e bëri në nder të 25 vjetorit të themelimit të Policisë së Kosovës.
Ai ka shprehur mirënjohjen e tij dhe të qytetarëve të Vushtrrisë, ndaj policëve për shërbimin e tyre ndaj qytetarëve.
“Kryetari Idrizi, u prit nga zëvendëskomandanti, Toger Shaban Salihi, si dhe nga zyrtarët policor, të cilët i ka falënderuar për punën e tyre”, thuhet në njoftimin e Komunës së Vushtrrisë.
“Policia e Kosovës që nga e themelimi ka qenë dhe vazhdon të jetë shtylla kryesore e rendit, sigurisë dhe mbrojtjes së qytetarëve tanë. Të gjithë policëve, faleminderit për punë tuaj në shërbim të qytetarëve”, ka thënë Idrizi.
