Qeveria e Kosovës sot mori vendim që t’i rrisë pensionet për 20 për qind.
Kjo u kumtua në një konferencë për media nga vet kryeministri i Kosovës Albin Kurti, i cili iu drejtua qytetarëve bashkë me ministrin e Financave, Punës dhe Transfereve Hekuran Murati.
Lidhur me këtë vendim janë prononcuar disa qytetarë në Mitrovicë.
Kishte nga ata që e vlerësuan këtë rritje, por kishte nga ata që ky vendim iu duk i pamjaftueshëm.
“Mas mramti 20 euro, 20 euro, çka ki me ba? S’kemi çka me ba ndryshe? Pse a na jep 50 euro a?. Veç te mjeku, qe tash e vetsha Sebin tha ka një doktor. Kjo është puna ime, më duhet të shkoj tek një kardiolog, për qata s’jam e zoja me folë. Jom kah e lypi burrin, s’jom kah e gjoj kah më ka hup”, u shpreh qytetarja e parë.
“Vallai nuk është e mjaftueshme për neve, se na të shkretit tash presim pak prej shtetit. Edhe shteti mos me na mbajtë, çka bojmë na të shkretit. Çka me ba na me 20 përqindëshin? Beso 100 euro hapa (barna) me shkojnë”, deklaroi qytetari i dytë.
