Kryetari i AAK-së, Ramush Haradinaj, ka kujtuar ish-bashkëluftëtarin e tij, Adrian Krasniqin, për të cilin tha se ishte i edukuar, guximtar i pashoq e njeri që mishëronte frymën e lirisë për të cilën ai dha jetën.
Haradinaj tha se Krasniqi ishte një nga themeluesit e UÇK-së, ku u angazhua në aksione kundër armikut.
“Rënia e tij heroike, përpara se lufta të shpërthente plotësisht në Dukagjin, ndonëse një humbje e madhe, u shndërrua në një burim frymëzimi për të gjithë ne”.
“Në këtë 27-vjetor, kur përkrah Nënës Mejreme, kujtuam e nderuam Adrianin, riafirmojmë zotimin tonë për një Kosovë të fortë dhe të begatë”, shkroi Haradinaj.
Më tej, Haradinaj tha se Kujtimi i Adrianit dhe i të gjithë atyre që ranë për liri, i udhëheq drejt një të ardhmeje më të ndritur për kombin.
