Gjatë ditës së sotme, në Komunën e Vushtrrisë është shënuar Dita Ndërkombëtare e Mundësive të Barabarta.
Për të shënuar këtë një grup i të rinjve ishin pjesë e stafit të Komunës së Vushtrrisë ku u kujdesen që qytetarët të marrin shërbimet e nevojshme administrative.
“Gjatë punës, ata janë vizituar nga nënkryetarja e Komunës së Vushtrrisë, Hava Mlinaku, drejtoresha për Administratë, Hyrie Uka Hoxha dhe zyrtarja për Barazi Gjinore, Remzije Zekolli”, thuhet në njoftim.
Shënimi i Ditës Ndërkombëtare të Mundësive të Barabarta u organizua nga Drejtoria e Administratës dhe Njësiti Komunal për të Drejtat e Njeriut, ndërsa ishin pjesë shoqata “Down Syndrome”, “Handikos” dhe Shoqata e Shurdhmemecëve.
