Ekipet e specialistëve të KRU “Hidrodrini”, po punojnë me përkushtim në zbatimin e një sistemi të ri të ujësjellësit dhe kanalizimit në sheshin qendror të qytetit të Pejës.
Nëpërmjet një postimi në Facebook, KRU “Hidrodrini” ka njoftuar për realizimin e disa detyrave të rëndësishme në sheshin e Korzës.
Sistemi i ri i ujësjellësit dhe kanalizimit në sheshin qendror të qytetit të Pejës/ Foto nga KRU “Hidrodrini”, facebook
Postimi është shoqëruar me fotografi që ilustrojnë punën e specialistëve dhe inxhinierëve të angazhuar në këtë projekt.
KRU “Hidrodrini” thekson se ekipet e tyre janë duke punuar për të përmirësuar sistemin e ujësjellësit dhe kanalizimit, duke ofruar një shërbim më të mirë për qytetarët.
Punimet në sistemin e ri/ Foto nga KRU “Hidrodrini”, facebook
“Ekipet e specialistëve të KRU ‘Hidrodrini’-Pejë, punonjës e inxhinierë nga sektori i sistemit të ujësjellësit dhe kanalizimit në zbatim dhe përmbushje të detyrave në sheshin e Korzos në qendër të Pejës”, kanë shkruar ata.
Ky projekt ka si qëllim përmirësimin e infrastrukturës ujësjellës dhe kanalizimit, duke siguruar një furnizim më të qëndrueshëm dhe efikas me ujë për banorët dhe bizneset e zonës.
