Në orët e para të ditës së enjte, pas mesnate, parashihen reshje të dendura të shiut dhe borës në gjithë vendin tonë. Rekomandohet që ngasësit e veturave të bartin pajisjet dimërore dhe të kenë kujdes sidomos në rrugët e viseve të larta dhe mesatare.
Temperaturat minimale ditën e enjte do të lëvizin ndërmjet - 1 deri 2 gradë Celsius, ndërsa maksimalet 3-6 gradë Celsius. Do të fryjë erë nga drejtimi i verilindjes me shpejtësi 1-6 metër për sekondë.
Ditën e premte do të mbretërojë mot kryesisht i vranët dhe me riga shiu të intensitetit të mesëm. Në viset e larta parashihen reshje bore, derisa edhe në disa pjesë reshjet e borës mund të përfshijnë edhe viset mesatare.
Temperaturat minimale do të lëvizin ndërmjet -5 deri -2 gradë Celsius, ndërsa maksimalet 4-7 gradë Celsius. Do të fryjë erë e lehtë deri mesatare nga drejtimi i verilindjes.
Vikendi parashihet me ulje të përkohshme të temperaturave dhe ngrica, thuhet në parashikimin e motit nga Instituti Hidrometeorologjik i Kosovës.
