Sot më 4.12.2024 në ambientet e hotelit "Sirius" në Prishtinë është bërë ndarja e çmimit vjetor "Babai i Vitit 2024" në Kosovë.
Organizata Instituti Demokraci për Zhvillim (Democracy for Development" sivjet me këtë çmim ka nderuar tre prindër në mesin e të cilëve edhe ish-drejtorin dhe mësimdhënësin nga Vushtrria, Hajdin Islami.
"Falënderoj organizatorët për këtë çmim dhe ndihem i vlerësuar.
Prindërimi është misioni më sublim dhe human që përjeton njeriu, andaj këtë mision ta ruajmë si thesarin më të vlefshëm shoqëror", ka shkruar mësimdhënësi Islami në Facebook.
Fjalë rasti para të pranishmëve në këtë ceremoni ka mbajtur Rrezarta Delibashzade Krasniqi, drejtore ekzekutive e D4D dhe Johan Schmidt, kreu i ekipit, OPIC.
