Vazhdon procesi gjyqësor në rastin Thaçi dhe të tjerët. (Hagë, ora 09:00-16:30)
Mbahet konferenca e 9-të e mjedrës në Kosovë “Përshtatja e kultivimit të mjedrës ndaj sfidave klimatike”. Merr pjesë Faton Peci – ministër i Bujqësisë. (Hotel “Emerald”, Prishtinë, ora 9:00-16:00)
Këshilli Gjyqësor i Kosovës (KGJK) do të mbajë takimin e rregullt. (Ora 09:00)
Komisioni për administratë publike shqyrton listën e kandidatëve për anëtarë të Këshillit të Pavarur Mbikëqyrës të Shërbimit Civil të Kosovës. (Kuvendi i Kosovës, salla N-303, ora 09:00)
Komisioni për legjislacion shqyrton planin e performancës së Agjencisë për Parandalimin e Korrupsionit për vitin 2025. (Kuvendi i Kosovës, salla N-302, ora 09:00)
Komisioni për ekonomi shqyrton vendimin e presidentes lidhur me kthimin në rishqyrtim të Ligjit për mbrojtjen e konsumatorit. (Kuvendi i Kosovës, salla N-10, ora 09:30)
Komisioni për buxhet shqyrton raportin me rekomandime për lexim të dytë të Projektligjit për bankat dhe shqyrton në parim Projektligjin për ndryshim-plotësimin e Ligjit për parandalimin e pastrimit të parave dhe luftimin e financimit të terrorizmit. (Kuvendi i Kosovës, salla C-203, ora 09:45)
Kuvendi i Kosovës mban seancë me pikat e papërfunduara. (Kuvendi i Kosovës, ora 10:00)
Komisioni Qendror i Zgjedhjeve në partneritet me Misionin e OSBE-së në Kosovë dhe Rrjetin e Grave të Kosovës, do të zhvillojë tryezën e radhës për barazinë gjinore në proceset zgjedhore. (Hotel “Sirius”, Prishtinë, ora 10:00)
Grupi për Studime Juridike dhe Politike (GLPS) organizon tryezën e rrumbullakët me temë “Agjenda e reformave e Kosovës: Zbrazëtirat mes planifikimit dhe zbatimit”. (Hotel “Swiss Diamond”, Prishtinë, ora 10:30)
Education Code dhe ACDC prezanton projektin "Drejtësia Mjedisore: Një rrugë për ndërtimin e paqes dhe kohezionit shoqëror". (Shtëpia e Evropës, Mitrovicë e Veriut, ora 10:50 – 13:30)
Kuvendi i Kosovës mban seancën e rregullt plenare. (Kuvendi i Kosovës, ora 14:00)
Shfaqet filmi “Nice Ladies” dhe mbahet panel diskutimi. (Kinema “Armata”, Prishtinë, ora 16:00 –18:30)
