Sot është ndarë nga jeta stilisti i shquar, Menduh Mullaademi – Menda.
Lajmin e kanë bërë të ditur familjarët e tij në rrjetin social, Facebook.
“Me pikëllim të thellë, ju njoftojmë se më datë 21 dhjetor, ndërroi jetë më i dashuri ynë, Menduh Mullaademi (Menda)”, thuhet në postimin e Diana Mullaademit.
“Në shenjë respekti dhe dashurie për jetën e tij, ju ftojmë të na bashkoheni nesër (23.12.2024), në ora 15:30 në ceremoninë e varrimit, në varrezat e qytetit në Prishtinë”.
“E pamja mbahet më datë 24 dhe 25 dhjetor në Hotel Grand prej orës 9:00-16:00”.
