Sipas të dhënave nga Qendra kombëtare për menaxhim kufitar nga ora 20:12, në pikat kufitare të Kosovës ka më pak pritje dhe kolona me automjete.
Në pikën kufitare Dheu i Bardhë pritjet e qytetarëve në hyrje janë 25-30 minuta me kolona të automjeteve 300 metra. Pritjet për dalje nga kjo pikë kufitare drejt Serbisë janë 15 deri në 20 minuta, me kolona deri në 100 metra.
Në Muçibabë pritjet për hyrje në këtë pikë kufitare janë 5 deri në 10 minuta, me kolona deri në 20 metra, teksa pritjet në dalje janë po ashtu 5-10 minuta, me kolona deri në 20 metra.
Në pikat e tjera kufitare pritjet janë nga 3 deri në 10 minuta, me përjashtim të Jarinjes 15 minuta, dhe nuk ka kolona.
