Në dy ditët e fundit të javës mbi vendin tonë do të mbajë mot i ndryshueshëm dhe me kushte për reshje bore.
Të shtunën parashihet mot i vranët dhe vende-vende me kushte për riga shiu dhe reshje bore. Temperaturat minimale do të luhaten nga -6 deri në - 3 gradë Celsius, ndërsa ato maksimale nga -1 deri 2 gradë Celsius. Era do të fryjë nga verilindja me shpejtësi 1-5 metër për sekondë.
Ditën e diel do të mbajë moti i vranët me intervale diellore. Temperaturat minimale do të luhaten nga -7 deri në -3 gradë Celsius, ndërsa ato maksimale nga -2 deri në 2 gradë Celsius.
Era do të fryjë nga verilindja me shpejtësi 1-3 metër për sekondë, thuhet në parashikimin e motit nga Instituti Hidrometeorologjik i Kosovës.
