Instituti Hidrometeorologjik i Kosovës ka njoftuar se moti në vikend do të jetë kryesisht i vranët me intervale me diell.
Të shtunën sipas institutit moti parashikohet të jetë kryesisht i vranët, me intervale të herëpashershme me diell.
Temperaturat minimale të shtunën do të variojnë nga -1°C deri në 2°C, ndërsa maksimalet do të arrijnë nga 7°C deri në 12°C.
“Era do të fryjë nga juglindja me intensitet të lehtë deri mesatar”, thuhet në njoftim.
Derisa të dielën moti do të jetë me vranësira të shpërndara dhe periudha me diell.
“Temperaturat minimale pritet të jenë nga 0°C deri në 2°C, ndërsa maksimalet do të lëvizin nga 8°C deri në 11°C. Era do të fryjë nga veriperëndimi me shpejtësi 1-3 m/s”, thuhet në njoftim.
